Zonkwa

human-geographic territorial entity
A̱byin	Naijeriya
A̱gba̱ndang a̱keangtung	Nietcen A̱fakan
Shyia̱ di̱ fam tyok a̱byin	Si̱tet Ka̱duna
A̱lyem á̱ nyian ta̱m ma̱ng a̱nka	Jhyuo

A̱keang Zonkwa kya yet a̱keangtung Sot A̱gwomna̱ti Mali Zangon Kataf ka a mbeang a̱si̱ Tyok A̱jhyo hu, ma̱ a̱tak A̱si̱tet Ka̱duna di̱ fam a̱byin Fam A̱ka̱wa̱tyia̱ Naijeriya hu.^[1]

Nkhang a̱byin[jhyuk | jhyuk a̱tyin ka]

Myiai á̱kpai[jhyuk | jhyuk a̱tyin ka]

Zonkwa shyia̱ ma̱ng ban mita 798.^[2]

Lili wun[jhyuk | jhyuk a̱tyin ka]

Lili shwai a̱lyia̱ ma̱ng a̱lyia̱ a̱keang Zonkwa hu ma̱ka̱wa̱tyia̱ shyia̱ kpa̱mkpaan 24.8°C, ban shwai a̱lyia̱ ma̱ng a̱lyia̱ hu maai tat kpa̱mkpaan 28.6°C a̱wot ku maai cyok a̱tatak tat kpa̱mkpaan 18.8°C. Va za ji la gum di̱ kap a̱mgba̱m a mbeang kap a̱tsan a̱lyia̱ ka ma̱nang va za a̱lyia̱ ma̱ng a̱lyia̱ ma̱ka̱wa̱tyia̱ ka shyia̱ kpa̱mkpaan milimita 28.1, ma̱ng shwai ma̱ka̱wa̱tyia̱ si̱ 53.7%, lili a̱vwuo hu si̱ ka tai si̱ a̱ka̱keang hyia̱k na nang Gwoot, Tsok, ma̱ng Fantswam a̱ni.

Shi á̱niet[jhyuk | jhyuk a̱tyin ka]

Á̱niet[jhyuk | jhyuk a̱tyin ka]

A̱ka̱ka̱rak[jhyuk | jhyuk a̱tyin ka]

Á̱niet a̱ka̱ka̱rak (byina̱byin) ma̱ng a̱sorong á̱niet a̱ lan di̱ shi a̱ni mami a̱keang ka bya yet A̱jhyo ba. A̱keang kani kya ka yet a̱keangtung mba ka.

Á̱ghyang[jhyuk | jhyuk a̱tyin ka]

A̱ka̱sorong á̱ghyang nang á̱ maai shyia̱ nna ma̱ a̱di̱di̱t a̱dei bya yet A̱tyap ba, Igbo ba, A̱sunkurum ba, A̱kpat wu, A̱ghwangkpang ba, A̱byoot ba, ma̱ng á̱niet Naijeriya á̱ghyang.